ازاي احمي ابني من إنه يكون من المتحرشين
زادت جداً السنوات الأخيرة ظاهرة التحرش الجنسي للأطفال 😱
و مع ذلك أمهات كتير بتخاف تتكلم مع أولادها في الموضوع ده و قلقانة إنها تفتح عينيه. 😔
و للأسف التركيز كله في الميديا على ضحايا التحرش و ازاي احمي ابني و احمي نفسي من التحرش 💪
و لكن محدش بيتكلم عن ازاي احمي ابني من إنه يكون من المتحرشين أو اتصرف معاه ازي؟ 🤔
لو قدرنا نفهم إزاي بيتم برمجة مخ الطفل من صغره لحد ما يوصل إنه يكون متحرش... هنقدر نقضي على الظاهرة دي
تعالوا سوا نفهم شخصية المتحرش ده ممكن تيجي ازاي؟؟
أولاً : التحرش الإعلامي ( أطفالنا بيتفرجوا على كرتون و كلنا بنقول عادي.. لكن لو ركزنا فى محتوى الكرتون هنلاقي إن فيه جزء كبير غير مناسب تماماً للأطفال و فيه ايحاءات غير ملائمة و غير متوافقة مع ديننا و تربيتنا زي توم اند جيري اللي بيعقد على البحر و يشرب مشروبات لا تليق و يعاكس القطة اللي معديه بالمايوه.... و ممكن ينافس جيري عشانها .
و غير beauty and the beast اللي في البداية واحد ماشي وراها بيعاكسها و الوحش اللي حبسها عشان تحبه..
و غيرها من الأفلام اللي احنا شايفين إنها عادية و لكن هي برمجة للمخ بالمباح و اكيد مش كلنا عندنا نفس الاستجابة.... بعض الأطفال هتاخد من الكرتون المقالب و الممارسات العنيفة و بعضهم هياخد الممارسات الجنسية و المعاكسات..
لو لاحظنا المسلسلات و الأغاني هنلاقي إنها ملئية ب التحرش و العنف و تصرفات غير ملائمة أبداً للأطفال.. كل ده برمجة للمخ.
في البداية الطفل بيقلد بدون أي وعي إن ده ممكن يكون مؤذي للطرف للتاني بياخدها على إنها هزار... زي ما كان أحد الممثلين بيهزر في فيلم ما....
و بعدها يقلب الهزار لجد مع سن التمييز و غياب وعي الأهل و الأمر بيزيد.
و كتير من الأهل بيسيبوا الموبايل في أيد أولادهم بدون رقابة..... و طبعا اليوتيوب مش أمان أبداً للطفل و للأسف بسهولة يقدر يشوف أفلام و صور إباحية😢
في أسباب تانية زي إن الأطفال تلعب مع بعض بدون رقابة و ممكن يكون اللعب مش مناسب أخلاقياً و هما مش على وعي إيه العادي و المسموح و إيه الغير ملائم.. فيتعرض الطفل للتحرش من أحد الأقارب أو الأهل من أطفال في سنه أو أكبر... بالتالي يقلد ابن عمه أو ابن خالته.
عشان كده بنقول إن الاتنين ضحايا غياب وعي و رقابة الأهل.
إحنا في مجتمع منفتح جداً، بقى صعب نسكت و نقول منفتحش عين الأطفال👀... بالعكس الوعي مهم جداً