بسم الاب والابن والروح القدس الاله الواحد امين
🔴+ الدرس : سلم يعقوب
مرحله حضانة
+المرجع : تكوين 28 ( من 12: 16 )
+ الغرض : عدم الخوف من الظلمة لان ربنا معانا فى كل وقت- ان يعرف الطفل ان ربنا يعتنى به وقت نومه ويتدرب على طلب عناية الله به قبل النوم
+ الاية : ❤"يعطى حبيبه نوما " مزمور 127 ايه 2
المقدمة : ياترى بالليل خالص قبل ما ننام بنعمل اه ؟؟
بغسل سنانى ...بنصلى... ماما بتغطيى وانا نايم عشان مبردش .
طب بنام فى النور ولا الظلمة ؟ فى الظلمة طبعااا مينفعش ننام فى النور
ميس 2: بس انا بخاف من الظلمة
ميس 1: فى حد يخاف وبابا يسوع معاه برضو لا طبعا منخفش ابداا بابا يسوع بيبعت ملايكته الحلوة عشان تحرسنا طول الليل وبيبعتلنا احلام حلوة خالص --- هو ممكن نحلم واحنا صاحيين ؟؟؟ لا طبعا بنحلم واحنا نايمن
ميس 1: طب ايه رايكو تعالوا احكلكوا قصة حلوة اوى من كتابنا المقدس .(نمسكه فى ايدينا )
الدرس :
زمان خالص خالص بيحكلنا كتابنا المقدس عن واحد اسمه يعقوب ويعقوب دا كان مسافر عند خاله لوحده ومحدش كان معاه خالص وفضل يمشى يمشى يمشى ( الاطفال تتحرك فى مكانها وكانهم بيمشوا ) فضل يمشى كتير خالص فقال انا تعبت من المشى اوى هرتاح هنا شويه وكان اول مره ينام بره بيته لوحده بس تفتكروا هيخاف لما ينام لوحده ؟؟
لا مكنش خايف خالص عشان هو عارف كويس ان ربنا بيخلى باله منه وهو نايم ووهو صاحى وفعلا ياولاد جاب حجر وعمله زى مخده كدا وناااام وحلم حلم جميل خالص
( خادمة لابسه لبس ليعقوب وملاية لبنى كانها السما تتحط فوق الاطفال كلهم كانها سما
حلم يعقوب بان فى سلم كبييير خالص واصل من الارض لغاااية السما .
وشاف حاجه غريبة خالص شاف ملايكة ربنا منورييين وحلوين اوى اوى ملايكة طالعة ونازلة على السلم دا وفى اخر السلم ظهر ربنا وقاله انا معك وهحفظلك فى اى مكان هتروحه❤
قام يعقوب من النوم فرحااان 😍😍 جدا جدا وقال فعلا ربنا كان معايا وانا نايم وملايكته بتحرسنى وانا معرفش وكمل يعقوب رحلته لبيت خاله 🥰
❤شفتوا ازاى ربنا كان حارس يعقوب وقت نومه احنا كمان منخفش ابدااا واحنا نايمين لوحدنا و نصلى قبل ما ننام ان ربنا يبعتلنا احلام حلوة
ونقوله اشكرك يارب لانك بتحرسنى لما اصحى ولما انام من فضلك ابعتلى احلام حلوة اشوف فيها الملايكة والقديسين +
شاركونا بتحضيراتكم ووسايل الايضاح ❤️
