افكار لاحد الكنوز إعدادي وثانوى
1️⃣ تمهيد بسؤال صادم (يشد الانتباه)
اسأل: لو معاك كنز غالي جدًا… تحب تخبيه فين؟
إيه أغلى حاجة عندك في حياتك دلوقتي؟
لو ضاعت الحاجة دي… تحس بإيه؟
وبعد ما يسمعوا الإجابات:
“الكنوز الأرضية ممكن تضيع… لكن في كنز ما يضيعش أبدًا.”
2️⃣ تمهيد اخر
«أكنز في السماء… مش كنوز أرضية»
استعداد حقيقي للصوم
أولًا: كسر الجليد النفسي
ادخلي بهدوء وقولي: “تخيلوا إن في شخص غني جدًا…
بس كل اللي جمعه اتحرق أو اتسرق في لحظة.”
اسأل: يحس بإيه؟
يفضل غني ولا فقير؟
طيب لو كان معاه كنز محدش يقدر يقرب له؟
📌 الفكرة اللي تثبّت: في كنوز بتضيع
وفي كنز واحد بس مضمون.
3️⃣ تجربة عملية
الأدوات: ورق صغير + قلم لكل واحد
التنفيذ: “اكتب على الورقة أغلى حاجة في حياتك دلوقتي
(شخص – حاجة – حلم – نجاح – موبايل – فلوس…)”
خليهم يكتبوا بهدوء.
بعدها قول: “تخيل إن الحاجة دي اتاخدت منك…
تحس بإيه؟ حياتك هتقف؟”
اسكت شوية… وسيب الصمت يشتغل.
📌 الرسالة:
لما الحاجة تكون كنزنا… ضياعها يكسرنا.
المعنى الروحي
اقر الآية بصوت هادي:
«حيث يكون كنزك هناك يكون قلبك أيضًا» (مت 6)
اشرح ببساطة:
الكنز = الحاجة اللي قلبك متعلق بيها قلبك دايمًا ماشي ورا كنزك
اسألي: قلبك متعلق بإيه أكتر؟
السماء ولا الأرض؟
مقارنة قوية (لوح / سبورة)
اعمل جدول: كنوز أرضية:
بتفرّح شوية .. بتتسرق .. بتخلص .. بتخلص العمر بدري
كنوز سماوية:
بتفرّح بعمق .. ما تضيعش .. بتكبر مع الوقت ..بتدخل السماء
📌 قول:
“الصوم مش علشان نسيب أكل…الصوم علشان نغيّر كنز.”
ربط بالصوم (نقطة التحول)
اسأل: ليه الكنيسة بتحط أحد الكنوز قبل الصوم؟
الشرح: لأن الصوم رحلة ومينفعش ندخل الرحلة وقلبنا تقيل بالكنوز الأرضية.
الصوم بيساعدنا نسيب اللي مسيطر علينا و نخف و نركز
و نخزن في السماء .
نشاط تطبيقي (قرار شخصي)
قول لهم: “اختار كنز أرضي واحد وقرّر خلال الصوم تقلل منه
علشان تزود كنز سماوي.”
أمثلة:
أقل موبايل → أزود صلاة
أقل كلام فاضي → أزود قراءة
أقل أنانية → أزود خدمة
الختام
اقرا: «لا يقدر أحد أن يخدم سيدين»
مين سيد قلبي؟
نسيب السؤال يعيش جواهم
🧰 وسيلة ايضاح ثانية
الأدوات: شنطة تقيلة
حاجات تقيلة (كتب – طوب – زجاجات مياه)
صليب أو إنجيل صغير
التنفيذ:
1️⃣ خل ولد يشيل الشنطة وكل شوية زودي حاجة تقيلة وقول: دي شهوة .. دي تعلق .. دي أنانية.. دي موبايل زيادة
2️⃣ هيبدأ يتعب
وقول: “القلب لما يتقل بالكنوز الأرضية… يتعب في الطريق.”
3️⃣ شيل الحاجات التقيلة واحدة واحدة وفي الآخر حط الصليب
وقول: “الصوم بيفضّي القلب علشان يشيل كنز حقيقي.”
🎯 لعبة: «كنزك فين؟»
الهدف: يفهموا إن الكنوز الأرضية بتشد القلب
و الصوم بيساعدنا نختار كنز السماء
🧰 الأدوات:
شريط لاصق أو حبل .. ورق مكتوب عليه كلمات .. سلة أو صندوقين
🔸 التحضير:
اعمل خط على الأرض وقسم المكان ناحيتين:
يمين: كنوز أرضية
شمال: كنوز سماوية
واكتبي على ورق: فلوس .. موبايل .. شهرة .. نجاح .. لبس
صلاة .. صوم .. محبة .. خدمة .. توبة
▶️ طريقة اللعب:
1️⃣ كل ولد يقف على الخط
2️⃣ ارفع ورقة وقول الكلمة
3️⃣ كل واحد يختار: يقف ناحية الكنوز الأرضية
أو ناحية الكنوز السماوية
4️⃣ اسألي 2–3: اخترت ليه؟ وصعب ولا سهل؟
💡 الرسالة:
الاختيار مش دايمًا واضح بس الصوم بيساعدنا نميّز.
👑 الدرس نشاط: «ثوب العُرس»
الفكرة الأساسية
الكنز الحقيقي = ثوب العُرس
والصوم = تنظيف وتجهيز الثوب
الأدوات
ورقة كبيرة مرسوم عليها ثوب أبيض
كروت صغيرة .. أقلام .. شريط لاصق
التمهيد بالقصة احكي باختصار: الملك عمل عُرس لابنه
دعا ناس كتير واحد دخل من غير ثوب العرس
واترفض… مش لأنه فقير لكن لأنه ما استعدّش
اسأل: ينفع ندخل من غير استعداد؟
تنفيذ اللعبة
1️⃣ ثوب أبيض = الكنز السماوي
قول: الثوب ده رمز للقلب والكنز الحقيقي إننا نفضل لابسينه نضيف
2️⃣ كروت «يوسّخ الثوب» وزع كروت مكتوب عليها:
أنانية.. كسل .. إهمال .. صلاة .. تعلق بالموبايل .. عدم مسامحة .. رياء .. خليهم يلزّقوا الكروت على الثوب
وقول: الكنوز الأرضية بتسيب أثر على القلب
3️⃣ كروت «ينضّف الثوب» (الاستعداد للصوم)
كروت تانية: توبة .. اعتراف .. صوم .. صلاة .. إنجيل
خدمة .. مسامحة
خليهم .. يشيلوا كارت سلبي ويحطوا مكانه كارت إيجابي
الرسالة اللي توصل:
الصوم مش علشان نبقى في العرس .. إحنا أصلًا مدعوين
الصوم علشان نكون مستعدين
ربط مباشر بأحد الكنوز
قول: الراجل اللي دخل من غير ثوب كان معتمد على وجوده
مش على استعداده الكنوز الأرضية تخلينا ننسى الثوب
الكنوز السماوية تخلينا نهتم بيه
الختام ونقاش
اسأل: لو العُرس النهارده ثوبك عامل إيه؟
وسيبِ صمت بسيط…
الصمت هنا جزء من الخدمة 🤍
ينفع لمين؟
إعدادي: بلزق الكروت ولعبة واضحة
ثانوي: مناقشة أعمق عن الاستحقاق والنعمة والاستعداد