1️⃣ الحب الحقيقي = الله مصدره
الآية: 1 يو 4:8 – "الله محبة"
الهدف: يعرف الأطفال أن الحب الحقيقي من الله وليس مجرد هدايا أو شوكولاتة.
نشاط: استخدمي قلب كبير على الحائط أو لوحة واطلبي منهم يكتبوا أو يرسموا لحظات حسوا فيها محبة الله.
2️⃣ الحب مش كلام… الحب أفعال
الآية: 1 يو 3:18 – "لا نحب بالكلام ولا باللسان بل بالعمل والحق"
الهدف: يعرف الأطفال أن الحب يظهر في تصرفاتنا تجاه الآخرين.
نشاط: تمثيل مواقف:
حد اتخانق مع صاحبه → هتعمل إيه؟
حد محتاج مساعدة → هتعمل إيه؟
حد زعلك → هتسامحه إزاي؟
3️⃣ الصليب = أعظم قصة حب
الآية: يو 15:13 – "ليس لأحد حب أعظم من هذا…"
الهدف: يعلم الأطفال أن الحب الحقيقي أحيانًا بيتطلب تضحية.
نشاط: استخدمي صورة صليب أو صليب خشبي صغير، واشرحي أن المسيح أحبنا حتى تضحي بنفسه.
4️⃣ أنواع الحب
حب ربنا لينا .. حبنا لربنا .. حب الأهل ... حب الأصحاب
حب الناس كلها
نشاط: اقسمي الأطفال مجموعات، وكل مجموعة تطلع مثال عملي لنوع الحب:
إزاي أحب بابا وماما؟
إزاي أحب صاحبي؟
إزاي أحب حد مضايقني؟
5️⃣ رسالة حب من ربنا
الهدف: يحس الأطفال بحب الله الشخصي لهم.
نشاط: اعملي “جواب” مكتوب:
"أنا بحبك… حتى لو غلطت، حتى لو نسيتني… بحبك ومستنيك ترجعلي"
الأطفال يكتبوا ردهم على ربنا أو يرسموا قلب مع كلماتهم.
6️⃣ تطبيق عملي للأسبوع
أعمال صغيرة توضح الحب:
عمل خير في البيت
مساعدة شخص من غير ما يقلك
التسامح مع حد
صلاة لشخص مزعلك
الهدف: الحب مش بس كلام، الحب فعل.
شخصيات كتابية لعيد الحب
1️⃣ يسوع المسيح – المحبة بلا شروط
الشرح:
يسوع علّمنا إن المحبة مش بس للي بنحبهم، لكن كمان للي يضايقونا.
قال: «أحبوا بعضكم بعضًا»، يعني نحب من غير ما نستنى مقابل.
توصيل الفكرة للطفل:
لما صاحبك يزعلك → ما تضربوش
لما حد يغلط فيك → تسامحه
دي محبة زي محبة يسوع ❤️
فكرة شرح مختلفة 🎨:
قلب المحبة
ورقة كبيرة على شكل قلب
الأطفال يكتبوا جواها: (أحب أساعد – أحب أشارك – أحب أسامح)
في الآخر نقول: ده قلب يشبه قلب يسوع
2️⃣ السامري الصالح – المحبة في الأفعال
الشرح:
في القصة، ناس كتير عدّوا جنب الراجل المجروح وما ساعدوش.
لكن السامري وقف، ساعد، واهتم… مع إنه ما يعرفوش.
توصيل الفكرة:
المحبة مش كلام، المحبة عمل ✋❤️
فكرة شرح مختلفة 🎭:
لعبة الاختيار ... اعملي 3 كروت:
طفل بيقع. ... طفل لوحده ... طفل حزين
اسألي: نعمل إيه؟
خلي الأطفال يختاروا الصح → كده بقوا سامريين صالحين.
3️⃣ يوسف الصديق – المحبة اللي تسامح
الشرح:
إخوات يوسف أذوه، بس لما كبر وبقى عظيم، ما انتقمش.
قال: أنا مسامحكم.
توصيل الفكرة:
القلب اللي يسامح = قلب قوي 💪❤️
فكرة شرح مختلفة 🧊:
مكعب الغضب
كورة ورق مكتوب عليها "زعل – غضب – كره"
نقول: لما نسامح، الكورة بتصغر
في الآخر نفتتها → الغضب راح ✨
4️⃣ يوناثان – محبة الصديق الحقيقي
الشرح:
يوناثان كان صديق داود، وقف جنبه وحماه، وما غارش منه.
توصيل الفكرة: الصديق الحقيقي: ما يضحكش عليك
ما يخونش لكن يقف جنبك دايمًا 🤝
فكرة شرح مختلفة 👫: مقياس الصداقة اسألي:
ينفع أضحك على صاحبي؟ ❌
ينفع أشاركه لعبتي؟ ✅
ينفع أساعده؟ ✅
5️⃣ مريم العذراء – محبة الطاعة
الشرح:
مريم قالت لربنا: ليكن لي كقولك. يعني وثقت فيه وأطاعته.
توصيل الفكرة: لما أسمع الكلام → أنا بحب ❤️
فكرة شرح مختلفة 👂:
لعبة اسمع ونفّذ
تعليمات بسيطة (قف – اقعد – صفّق)
في الآخر نقول: كده بنفرّح ربنا بالطاعة