تبسيط مفهوم الفداء
-محور الدرس : ( انا والاخر) - لتوصيل مفهوم الفداء للاطفال حتى يعيشوا احداث الصوم الكبير .
- عنوان مبتكر: جه علشان - هو فداني - بيحبني - فداني بحبه.
- الايه: "و سينقذني الرب " (2تى 4: 18)
*** هدف الدرس ***
1- الهدف المعرفي: ان يعرف الطفل معنى فداء الرب يسوع لنا وماذا تحمل من اجلنا. 2-الهدف الوجداني: ان يشعر الطفل بمحبه الرب يسوع الكبيره لنا لذلك بزل ذاته من اجلنا .
3- الهدف المهاري: ان يتدرب الطفل على عمل كل ما يرضى الله كشكر لله على محبته الكبيره له .
+كلمة فى اذنك للخادم +
-لاحظ ان كلمة فداء لا يفهمها الطفل لذلك حاولنا ان نبسطها له بكلمه انقذني بدل فداني ووضحنا فكره الانقاذ من خلال دراما القصه فالهدف ليس الكلمه بل ان يصل الى معناها وهو ان الله يحبه لذلك انقذه ( فداه ) .
عناصر الدرس كالاتى :-
خلي بالك 1- في التمهيد عايزين نوصل فكره : تبسيط فكره الفداء للطفل .
2- في الدرس عايزين نركز على:-
- اننا اخطانا - لان الله يحبنا نزل واخذ العقاب عنا
- نلنا عقاب بسبب خطانا - رجعنا نعيش معاه تاني
3- في التطبيق عايزين نتاكد ان الطفل وصل له: معنى الفداء (انه انقذني) وكيف انقذنا (فدانا) الرب يسوع على عود الصليب .
اختار تمهيد للدرس:
1-لعبه ها اشيل عنك:- حزام - كور صغيره او جرائد مكرمشه ويفضل ان تكون مغموسة في الوان ماء - قطعه من الورق مستطيله.
شرح: اجعل طفلين ظهرهم لظهر بعض وسمي واحد منهم شادي والثاني فادي بحيث شادي هو اللي بيتحرك للامام وبيحرك معاه فادي ... اللي بيكون لابس كيس بلاستيك فوق هدومه ويشترط ان يكون اكبر من شادي ممكن يكون احد الخدام ، والمطلوب انهم يمشوا على ورقه مستطيله بحيث شادي رجله لا تلمس الارض... اما باقي الاولاد يكون معهم كور الالوان واقفين... اول ما شادي رجله تلمس الارض يبدأوا يحدفوا عليه هذه الكور.. وقتها يبدل فادي بسرعه مكانه بمكان شادي علشان ياخذ هو كل الضربات عنه وينقذ شادي... ثم ناقش الاولاد ليه فادي كان لازم يلف وينقذ شادي من ضربات الكور اللي جات عليه؟ .. هاتكون الاجابه لانه لابس اللي يحميه، وكمان لانه اكبر.. وبعدها اقل لهم ان هذا هو ما فعله معنا الرب يسوع عندما صلب على الصليب من اجلنا وإدانا حياه جديدة .
2- لعبه :
قم بربط رجل طفلين معا ... وضع سبتين على بعد 5 متر من الناحيتين.. ثم نطلب منهم في خلال 30 ثانيه اللي هيوصل للسبت الخاص بي هايفوز ( ومن الطبيعي انه ما مفيش حد هيوصل للسبت الثاني الا لو واحد فيهم ضحى بفرصته علشان صديقه يفوز) ثم كافئ الذي ضحى من اجل ان صديقه يفوز بوضع هدية له في السبت الخاص به لانه اهتم بصديقه اكثر من اهتمامه بنفسه .
الدرس
حكايتنا النهارده عن ملك عظيم الملك عنده قصر كبير خالص الملك ده كان عايش عنده في القصر ولد وبنت صغيرين وكانوا شاطرين خالص وفي يوم نده عليهم الملك وقالهم :
الملك : تعالوا يا اولاد انا عاوز اقول لكم حاجه مهمه جدا .
الاولاد: تحت امرك يا مولانا الملك.
الملك: انتم عارفين اني بحبكم خالص... وبأجيب لكم كل حاجه بتحبوها... الاكل اللي بتحبوه واللبس الجميل وكل اللعب اللي بتحبوا تلعبوا بيها... لكن انا طالب منكم طلب واحد بس .
الاولاد: ويا ترى ايه هو الطلب ؟
الملك: في اوضه في اخر القصر.. الاوضه دي ممنوع اي حد يدخلها خالص ..العبوا في اي حته في القصر ما عدا الاوضه دي.. ولو دخلتوا فيها هأمشيكم من القصر بتاعي.. تينا : يعني لو دخلنا الاوضه دي هنمشي من هنا..
تم تم : لا طبعا ... احنا مستحيل ندخل الاوضه دي .. احنا بنحبك وما ينفعش نعمل حاجه تزعلك.
وفعلا فضل الاولاد في القصر يلعبوا لكن بعيد عن الاوضه اللي منعهم منها الملك لغايه يوم لما جت البنت وقالت
تينا: يا تم تم ، يا تم تم انا زهقانه خالص.
تم تم : زهقانه ليه ما هو انت بتلعبي اللعب اللي بتحبيها ، وعايشين مع الملك اللي بيحبنا وبنحبه.
تينا : انا .... انا بصراحه نفسي اعرف الاوضه اللي في اخر القصر دي فيها ايه...؟ وليه الملك منعنا ندخلها؟!!
تم تم : طب وهانعرف ازاي ناصحه.. والاوضه الباب بتاعها مقفول من بره ..والملك منعنا ندخلها اساسا .
تينا : هو الباب مش مقفول بالمفتاح... احنا ممكن نفتح الاوكره وندخل .
تم تم : لا طبعا انتى نسيتي اننا وعدنا الملك اننا مش هاندخلها.. وبعدين لو دخلناها هايمشينا من القصر.. وهانسيبه وهانسيب لعبنا الجميلة .
تينا : وهو هيعرف منين يعني؟!.. اولا الاوضه اخر القصر يعني محدش هايشوفنا ..وبعدين دي ممكن يكون فيها لعب اجمل بكثير من اللي معانا .. علشان كده الملك مش عايزنا ندخلها .
تم تم : لا ما ينفعش ... احنا وعدناه وهو كده هيزعل مننا ؟.
تينا : ما تخافش بس تعالى ورايا .
