احاد الصوم الكبير
الهدف: معرفة مناسبات الكنيسة .
اية للحفظ : "واما انت فمتى صمت فادهن راسك واغسل وجهك " (مت6: 17)
👈👈👈فيديو الشرح👉👉👉
👈👈👈تجربة مناسبه لهدف الصوم👉👉👉
👈👈👈تجربة لهدف الصوم👉👉👉
- فادى إتنقل هو واسرتة فى مكان تانى ، اول حاجة سأل عليها فادى باباه يا ترى ايه ؟... صح... فين مكان الكنيسة ، ذهب الكنيسة مع واحد صاحبه ، وابوا قال فى الوعظة ان الاحد القادم هو احد الاستعداد .. كل سنه وانتم طيبين .. بمناسبة الصوم الكبير و مدته 55 يوم ( 40 يوم صامهم الرب يسوع + اسبوع الاستعداد + اسبوع الالام ) وفضل ابونا يتكلم عن كل احاد الصوم المقدس : ولما رجع فادى سالته تيته عن الوعظة .. راح جاب لوحة وسمع كل الاسابيع على الارقام من 1 -7 تعالوا نراجعهم مع بعض زى فادى ما قالهم .
* رقم (1) لو زودناه كده يبقى ايه ؟برافو ده واحد رافع ايده علشان يصلى ، يبقى اول اسبوع عندنا هو اسبوع الاستعداد . بنستعد ونجهز لرحلة هنقضيها مع ربنا يسوع بالصلاة والصوم والصدقة .
*رقم (2) لو قفلناه كده بقى شكله ايه ؟... زى هضبة او جبل .. وكان علية الرب يسوع والشيطان .. يعنى ثانى اسبوع هو اسبوع التجربة . اللى الشيطان قعد يجرب فيه ربنا يسوع 40 يوم .. وبيعلمنا فيه ربنا اننا نقف ضد الشيطان وكل حيله ، ونرد عليه بكلام الكتاب المقدس .
*رقم (3) لو زودناه كده بقى ... واحد شايل شنطة .. يا ترى جواها ايه ؟ فلوس .... برافو يبقى ثالث اسبوع هو اسبوع الابن الضال . اللى ساب بيت ابوه وطلب ميراثه علشان يسافر بعيد مع اصحابه .. لكن اصحابه الاشرار ضحكوا عليه واخدوا كل فلوسه .. فاضطر انه يشتغل ويرعى الخنازير وبقى ياكل معاهم .. علشان كده فكر انه يرجع لابوه .. اللى اول لما شافه فرح بيه وجرى عليه وحضنه وقبله .. زى ما ربنا بيعمل معانا .. اول ما نندم ونعترف على اى غلط عملناه ونرجع ليه .. علطول بيسامحنا .
*رقم (4) بقى ايه ؟ برافو .. واحدة شايلة ايه ؟ لا دى شنطة ... ده جردل ... يبقى رابع اسبوع ايه اسبوع السامرية برافو . اللى كانت بتملى من البير ميه .ز وهناك شافت الرب يسوع واتكلمت معاه وعرفت انه هو الرب يسوع .. واعترفت قدامه بكل حاجة عملتها .. وبعد كده جريت تحكى لكل الناس عن ربنا يسوع .. علشان كده كل الناس راحوا يشوفوا مين هو يسوع وامن ناس كتير وقتها بربنا .. واحنا كمان لازم نتعلم نعترف باخطائنا زى ما عملت السامرية .
*رقم (5) ده ايه يا ترى ؟ واحد راقد فى سرير وتعبان خالص ، وبقى له كده 38 سنة .. مين اللى كان راقد فى السرير عرفتوه ؟ برافو هومريض بركة بيت حسدا ( المفلوج) كان مستنى حد يرميه فى البركة اول ما يجى الملاك .. لكن ما كانش عنده حد .. وفى يوم ربنا يسوع كان معدى وشافه وساله هل هو عاوز يخف ؟ فقاله انه نفسه يخف بس ما عندوش حد يرميه فى البركة .. علشان كده ربنا اتحنن عليه وقال له : قم احمل سريرك وامشى مغفورة لك خطاياك .. وشكر ربنا وده بيعلمنا مهما طالت الفترة لا نيأس ربنا دايما حاسس بينا وعمره ما ها يسيبنا .
*رقم (6) بقى ؟؟؟ مين شاطر يعرفه ؟ المولود اعمى اللى ما كانش بيشوف خالص . يبقى اسبوع المولود اعمى . اللى اول ما شافه الرب يسوع اخد تراب من الارض وتفل عليه ( يعنى عمله طينه ) وحطه على عينيه وقال له : روح اغسل وشك فى البركة .. وعلى طول خف وبقى بيشوف وفرح خالص .
* رقم (7) وده سهل خالص .. بصوا كده .. برافو يبقى حد الزعف مين فاكر المسيح راح فيه فين ؟ المسيح دخل فيه اورشليم ، والناس استقبلوه وهو داخل وفضلت تفرش قدامه زعف النخل و ملابسهم ، و كانوا فرحانين بيه خالص خالص . وهم بيقولوا : اوصنا فى الاعالى .. مبارك الاتى باسم الرب . وبكده نكون وصلنا لنهاية رحلة الصوم اللى ربنا بيعلمنا فيه ان الصوم معناه مش هو الجوع لكنه حياة مع ربنا يسوع .. يعنى معناه نعيش فى صلاه باستمرار مع ربنا .