اختلافات موعد عيد الميلاد وايهما صح؟
👈 ناس بيقولوا 25 ديسمبر وناس بيقولوا 7 يناير، احنا احتفالنا 29 كيهك!
وفيه ناس فاهمة غلط أن احنا مغيرين اليوم بسبب أن الإجازة يوم 7 يناير!
🎵 من حكمة الكنيسة أن هى عشان تبين لينا حكاية النور وتربطها بالسيد المسيح خلتلنا الاحتفال بتاع عيد ميلاد السيد المسيح له المجد يوم 29 كيهك، اشمعنا 29كيهك⁉️🤔
🌷 الآباء بيقولوا لأن هو اليوم اللي أتولد فيه المسيح مش إحنا اللي ألفناه👌
.. طيب اليوم ده جه ليه.. اختاره ليه⁉️🤔
⚘ الكنيسة قعدت تدور على الحكاية دي اشمعنا يعني اليوم ده⁉️.. قالتلنا ايه بقى⁉️🤔
.. قالتلنا ده طلع أن اليوم ده هو اليوم اللي بيبدأ فيه النهار يطول عن الليل!.. يعني شهر كيهك مشهور انه يقولوا كيهك صباحك مساك.. النهار قصير اوي، والليل طويل👌
.. ليلة 29 بيبدأ النهار يطول والليل يقصر.. أنا جئت نورًا للعالم✨😍
🌿 أنا في رأيي انه ربما يكون ربنا إختار مكان كنيستنا في مصر عشان كانت مصر متقدمة جدا في الفلك، والتقويم المصري اللي هو القبطي اللي شغالين بيه لغاية النهاردة اللي هو (توت.. بابه.. هاتور) أدق تقويم👌♥️
.. دليل على كده أنكم ممكن بتتابعوا الأخبار والآنباء والحاجات دي هتشوفوا كل سنة الشمس تتعامد على وجة رمسيس في يوم ميلاده وفي يوم تتويجه!👌
👈 الحكاية دي بقالها الآف السنين وماشية مظبوط كل سنة ما بتتغيرش لأن عملوها على التقويم بتاعهم وعلى دراسات الفلك بتاعتهم الدقيقة👌
.. فهو ده نفس اليوم اللي إحنا بنحتفل فيه بعيد الميلاد 29 كيهك ..اللي هو بيبدأ النهار يطول والليل يقصر👌
⚘ وهربطها ليكم بحاجة تانية جميلة أوي : عيد يوحنا المعمدان يوم 30 بؤونة يعني بعد عيد الميلاد ب 6 شهور، ده باين طبعا من البشارة لما بنقول في الكتاب 📖: "وفي الشهر السادس أرسل جبرائيل الملاك" يوحنا المعمدان الأول و6 شهور وأتولد المسيح له المجد، المسافة بين الاتنين 6 شهور👌👑
👈 طب تعالوا شوفوا اليوم بتاع يوحنا المعمدان يقولك: ده اليوم اللي النهار بيبدأ النهار يقصر فيه والليل يبدأ يطول!😃
... الكلمة بتاعة يوحنا المعمدان لما شاور على المسيح له المجد وقال :" ينبغي أن ذاك يزيد وأني أنا أنقص" بص الكنيسة بتحققها في طقسها ازاي⁉️ مش مجرد ميعاد عيد، مش مجرد يوم وخلاص!👌
🍂 لا ..دي معاني عميقة ولاهوتية.. الواحد وهو في يوم العيد ده بيفتكر الكلام ده، يحس الإحساس ده، بيدرك المعنى ده، بيستقبل النعمة دي..عشان كده الأعياد بتاعتنا مرتبطة بأيام..آه العيد ده في اليوم ده!😍👌
كل سنة وانتوا طيبين 🤲♥️✨☃️
......كلمة نيافة انبا زوسيما .....