🙋♂️ ماما 👈شايفة🧐 الولد اللي ماشي هناك ده
👩 أيو شايفاه ماله ؟
🙎♂️ هو عامل كده ليه شكله غريب كأنه مش زينا 🤔
👩مممم بص يا حبيبي ربنا خلقنا مختلفين لحكمة هو بس اللى يعرفها.
أنا بس هطلب منك حاجة لما يمر حد شكله مختلف ماتشاورش عليه👈 و تقعد تبحلق فيه👀 كده عشان ممكن يتضايق 😥
🌀🌀🌀🌀🌀🌀🌀🌀
من أكتر الأزمات اللي بتقابلنا فى حياتنا ومع أولادنا ثقافة التعامل مع الناس المختلفة.
بمعنى حد طويل أو قصير جدا عن الطبيعي، حد من ذوي الهمم أو عنده أي إعاقة بتمنعه من حاجات الناس بتعملها بسهولة.
الناس دى بتبقى حساسة زيادة و ساعات بتتعرض للتنمر والسخرية من الناس بدل ما الناس تدعمها.
في ناس بتنسى إنها كانت ممكن تبقى مكانهم أو حتى تخلف أطفال زيهم فى المستقبل و إن دى حاجة مش بإيديهم.
بتبقى ساعات نظرة الناس المتفحصة ليهم 🧐 جارحة وقاسية عليهم وبتسببلهم إنهم يفقدوا الثقة فى نفسهم.
محتاجين إننا ندعمهم 💖ونعلم أولادنا إزاي نتعامل عادي ونكون سبب في إننا نزود ثقتهم في نفسهم كفايه المعوقات التانية اللي بيقابلوها.
وماننساش قول الله تعالى ( يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ )
ممكن طريقتك الجميلة🌷تكون سبب إن إنسان حياته كلها تتغير والعكس لو طريقتك وحشة تكون سبب فى تدمير حياته وكرهه لنفسه.
حد إتعرض لموقف زي ده؟ أو ولاده اتعرضوا للتنمر