الو.. لو سمحتم محتاجة استشارة.... ابني حركي، و مش بيسمع الكلام، و عايز يلعب طول الوقت... بيتخانقوا....زن و عند..... بحاول أكون هادية لكن هو بيعصبني و بضربه و أزهق آخر ما أزهق 😭
دي أغلب الشكاوي اللي بتيجيلنا يوميا.... ياتري إيه السبب ؟🤔
أول سبب هو إن دايما توقعاتنا بتكون عالية عن الواقع...فاكرين إن اولادنا هيكونوا مؤدبين هاديين... بيسمعوا الكلام
ده غير منطقي بالمرة مفيش طفل هادي و مطيع و شاطر
يبقي محتاجين نحط الصورة الواقعية ونتقبلها زي ما هي بدون مقاومة مننا .
تاني سبب و ده الأكتر.... الضغط... الأم مضغوطة طول الوقت حاطة حياتها و طموحتها و أمالها على الولاد وبس...وبتضحي بنفسها عشانهم.... مهتمة بكل ما يخصهم و بس بالتالي عايزة بقى تلاقي نتيجة تعبها ده و تضحيتها .
ده بردو ضغط كبير .... أولاً أنتِ لازم تحبي نفسك و مهم تفكري في نفسك و طموحك أنتِ ..هواياتك أنتِ... متحوليش ده على الولاد...... طول ما أنتِ مش مهتمة بنفسك و صحتك و حياتك مش هتكوني سعيدة و هتفضلي مضغوطة و هتفضلي تزعقي و تضربي في الولاد.. و تكرهي اليوم اللي اتجوزتي فيه..😭
السبب الثالث... هو إننا بنبقي عايزين نحقق طموحنا فيهم... عايزين أولادنا يحققوا اللي إحنا كان نفسنا فيه أو اتحرمنا منه.... عزيزتي ابنك غيرك. أحلامه و طموحاته و أهدافه و شخصيته غيرك... متتعامليش معاه إنه نسختك... هو حاجة تانية مختلفة عنك تماما و دورك تساعديه يحقق اللي هو نفسه فيه مش اللي أنتِ نفسك فيه..
سبب كمان في الضغط... الدلع... أيوة دلع... حضرتك بتعملي كل حاجة ليهم و كأنهم من غير إيد و رجل و مخ.... و بيكبروا و هما متعودين إن ماما عليها كل المسؤوليات... فتتعبي و تضغطي... و بتتخنقي.
الحل 👌.. الأسرة بينهم علاقة مشتركة وبيت مشترك مهم أوي كل الأسرة تشارك في كل حاجة.. أعمال البيت تتقسم... القرارات (ناخد رأي بعض في البيت)...
خلي الحياة مع ولادك أخد و عطا... مش عطاء بس... عشان أنتِ محتاجة منهم عطاء..
اسمحي لنفسك بالاهتمام... اسمحي لنفسك بالأخذ.... اسمحي لنفسك إن من حقك يكون ليكي وقت خاص... من حقك تمارسي الحاجة اللي بتحبيها... عيشي لنفسك مش لأولادك بس....
حبي نفسك عشان أنتِ تستاهلي ❤️