أمهات كتير بتسألنا عن أنشطة ممكن تتعمل مع أطفال ٣ سنين🙇♂️
عشان كده النهاردة هنعمل معاهم نشاط سهل وبسيط ومفيد جداً جداً👌
هيساعدكم تطوروا بيه إدراك الطفل، و تنموا مهاراته.
في نفس الوقت هي طريقة ممتعة لتعليم الأطفال بشكل عملي عن النبات.
كمان هتخليه يحس إنه شخص مسئول.
النشاط ببساطة محتاجين فيه:
🌱علبة فاضية "ممكن علبة حلاوة قديمة أو جبنة"
🌱قطنة
🌱بذور حلبة أو فول
🌱مياه
هنجيب العلبة ونخلي الطفل يحط فيها القطنة ويبلها بالمياه بس نحاول نخليه مايغرقهاش
بعدها ينثر الحبوب على القطنة ويسيبها
وكل يوم يسقيها بشوية مايه.
ونبتدي نتابعها كل يوم إيه اللي هيحصل فيها😎؟
ممكن بعد كام يوم ننقلها في قصرية زرع إذ أمكن.
الطفل هيستمتع لما يشوف نتائج سريعة بتطور قدامه كل يوم.