ايه رأيكوا نعمل ميداليات بإيدينا تبقى هدايا جميلة لأولادنا أو نساعد ولادنا يعملوها لأصحابهم بإيديهم بطريقة سهلة وبسيطة👇👇👇
طريقة صنع ميدالية بالجوخ:
الأدوات:
- جوخ ملون " زي اللي في الصورة"
- مقص✂️
- قلم رصاص✏
- خيط و إبرة .
- مسدس شمع .
- قطن .
الطريقة :
1️⃣✏هنرسم على الجوخ الأصفر الشكل اللي إحنا حابينه وليكن smily face 😁
هنرسم دايرتين متساويين ونقصهم✂️.
2️⃣هنثبت الدايرتين⚪⚪ فوق بعض
عندنا طريقتين
- إما إننا نخيط الأطراف➿
- أو إننا نلزقهم بمسدس الشمع
بس ماننساش ونسيب حتة صغيرة ندخل منها القطن كحشو بإستخدام الخلة
وبعدها نبدأ نقفلها.
3️⃣نفس المكان اللي لسه ماقفلنهوش ممكن نركب عُليقة 🔖للمفاتيح🔑 أو شريط بحيث نعرف نمسكها منه.
4️⃣هنرسم دوائر على شكل عيون🔘 على الجوخ الأسود ونقصهم ونلزقهم علي الدائرة الصفراء أو إننا نستخدم الخرز أو زراير نزوقها على ذوقنا أو بإستخدام الخيوط الملونة➿.
...........................................
طب الجوخ ده ممكن نعمل منه إيه تاني؟
ممكن نعمل منه جراب موبيل📱 ، محفظة، ممكن نعمل منه أشكال حيوانات🐵🐱 أو أسماك 🐟 ممكن نزيين بيه الأوضة وأعمال فنية كتير.
ما تنسوش تصورولنا اللي عملتوه عايزين نشوف إبداعتكم 🤗