☺متشيلش حمل الناس لكن شيل ثقلهم🙂
🔻مش كل حمل عند حد مطلوب منك انك تشيله
طبعا الكلام غريب مش كده 🙂
تعالو نشوف كده بولس الرسول بيقول ايه
فى رساله غلاطيه قال
🔻"اِحْمِلُوا بَعْضُكُمْ أَثْقَالَ بَعْضٍ، وَهكَذَا تَمِّمُوا نَامُوسَ الْمَسِيحِ." (غل 6: 2)
يعنى بيقول مطلوب مننا نشيل عن الآخر الثقل
⭐يعنى ايه ثقل : يعنى الحمل الزياده 👇
يعنى الحمل التقيل اللى ربنا سمح بيه عند الشخص ده عشان تاخد بركه خدمته
وبعدها ب ٣ ايات بولس الرسول فاجئنا وقالنا
🔻"لأَنَّ كُلَّ وَاحِدٍ سَيَحْمِلُ حِمْلَ نَفْسِهِ." (غل 6: 5)
ايه ده ف ايه 😀
ايوا اصل الحمل غير الثقل
🌟الحمل هو المسؤوليه اللى انت ملزم تشيلها لوحدك وطلبك أن حد يشلهالك ده كسل منك🌟
لكن الثقل هو الحمل الزياده عليك
وهو ده علم الحدود اللى ظهر مؤخرا
اللى بيعلمنا أننا نبقى عارفين مسؤوليتنا ايه
عارفين هنبدا فين وهنقف امتى عشان التانى يكمل
طبعا بالمحبه اخدمو بعضكم بعض
لكن خد بالك أن كل واحد سيحمل حمله
الازمه فى الحدود هى اللى بتخليك ف وقت ضايع لانك بتساعد كل الناس بدون حدود تحميك عشان تشيل احمالك
على فكره السامرى الصالح عمل كده بالظبط 🙂
هبقى اقولكم ازاى ف بوست تانى 😀
المهم دلوقتى نحفظ مع بعض 😀
متشيلش الحمل .. لكن شيل الثقل 🙂
By ..remonda rauof