🔻الكذب عند الاطفال 🔻
كنت وعدتكم انى هتكلم عن النقطه دى خصوصا ان بيوصلى مشاكل كتير بسببها
هنتكلم عنها باختصار وبساطه
🔻اهم سبب يخلى ابنك يكدب هو الخوف منك وأنه مش حاسس بالأمان أنه لو قالك الصراحه هتبقى كويس معاه
واوقات بيبقى الانكار حيله دفاعيه غير ناضجه
يعنى بيقول معملتش كده وهو من جواه فعلا بسبب عدم نضوجه لأنه طفل بيبقى مصدق نفسه مع أن ده مش صح
ولما يدرك ميقولش برضو عشان قلقان منك
🔻مهما كان السبب ازاى اتعامل مع كذب الطفل🔻
1️⃣متقولش اى وصمه متقولش انت كذاب
لكن قول بهدوء وبراحه احنا بنقول الصدق
انا عارفه انك عملت كذا كذا
2️⃣متفضلش تضغط عليه وتقولة قولى عملت كده ولا لا اتفضل قول .. قول بدل ما ......
براحه ياجماعه ..ماهو لازم هيكدب بالشكل ده
لازم اديله امان ... دايما لازم يكون ف كونسيبت احنا كلنا بنغلط المهم اقول انى غلطت عشان افكر ازاى اصلح الغلط ومعملهوش تانى
3️⃣احنا نفسنا لما بنتحول طول النهار لشركه المرعبين المحدوده 😂 الطفل هيبقى قلقان مننا مش هيدينا ثقه اصلا
ياريت لو بننسى نضحك على الأقل نضحك ونبتسم ف وشهم
عشان يحسو أننا سندهم
By Remonda Rauof