داود الملك
معنى اسمه محبوب
حياة داود النبي والملك كلها مليانة بفضائل كتيرة نتعلم منها لكن
بعض الفضائل الاساسية في حياة داود النبي
1- داود والاتكال على الله
برغم انه اصغر اخوته واضعفهم لكن كان عنده قوة ايمان واتكال على الله
كان بيحس بسند ربنا ليه في كل امور حياته
جليات - شاول - أبشالوم
2- داود الصديق
كان داود صديق أمين لكل اللي يتعامل معاه
أحسن إلى يوناثان صديقه حتى بعد موته
حتى شاول نفسه حزن جدا على موته وأمر بقتل اللي جه وبشره انه قتل شاول
برغم كل الكراهية اللي كان شاول بيكرهها لداود
3- داود المرنم
من حبه في ربنا لم يكتفي بمجرد كلمات يصليها لربنا لكن كان بيسبح ربنا
وكتب مزامير لتسبيح ربنا طول أيام حياته وكل مزمور ليه ذكرى خاصة مع داود
ولم يكتفي بالتسبيح مع نفسه لكن عمل أول أوركسترا سيمفوني في العالم
ورتب المرنمين وعازفي الألات
+ "آسافَ المُتَنَبئ بَينَ يَدَيِ المَلِكِ" (1أخ2:25).
+ "يَدوثونَ المُتَنَبئ بالعودِ لأجلِ الحَمدِ والتَّسبيحِ للرَّب" (1أخ3:25).
+ "هَيمانَ رائي المَلِكِ بكلامِ اللهِ لرَفعِ القَرنِ" (1أخ5:25).
+ "وكانَ عَدَدُهُمْ مع إخوَتِهِمِ المُتَعَلمينَ الغِناءَ للرَّب، كُل الخَبيرينَ مِئَتَينِ وثَمانيَةً وثَمانينَ" (1أخ7:25).
+ "كُلُّ هؤُلاءِ تحتَ يَدِ أبيهِمْ لأجلِ غِناءِ بَيتِ الرَّب بالصُّنوجِ والرَّبابِ والعيدانِ لخِدمَةِ بَيتِ اللهِ، تحتَ يَدِ المَلِكِ وآسافَ ويَدوثونَ وهَيمانَ" (1أخ6:25).
ووصل لعدد المرنمين بالعازفين في عهد داود حوالي 4000 مرنم يتقسموا على حسب الأيام للتسبيح للرب
4- داود التائب
برغم انه أخطأ وكان ممكن يبرر نفسه لأنه ملك وكل اللي في المملكة ملكه
لكنه لم يجامل نفسه في الخطأ واعترف بخطيته
وبرغم ان ناثان النبي قال الرب رفع عنك خطيتك لا تموت
لكنه بكى بدموع لفترة طويلة وكتب مزمور التوبة المزمور 51
تعالوا نطبق اللي اتعلمناه
1- عود نفسك انك تطلب من ربنا كل صغيرة
اتكل على ربنا واعمل اللي عليك وربنا هو اللي يكمل نقصك
لو داخل امتحان ذاكر واجتهد وقول لربنا ان كان جهدي 40% فانت يارب عليك 60% وانا طمعان في كرمك
2- كن صديق وفي للجميع
كن دايما صدر حنون يلجأ اليه الحزين
لا تحرم احد يتكلم معاك ممكن من كلمة منك تنقذ حياة يائس
3- شارك في تسبيح ربنا
حتى لو مش حافظ غمض عينيك وصلي وانت بتسمع
4- مهما كانت خطيتك كبيرة مستحيل تكون أكبر من رحمة ربنا
ان سقطت قوم من الخطية بالتوبة والاعتراف
صلوا من اجل الخدمه