جربت مره تكون( بنت )
ايوه زي ما بقولك كده جربت مره تكون بنت تحس باحساسها تفكر بتفكيرها تتعرض لجزء من اللي بتتعرضله
لما تحس انها درجه تانيه في الاسره او المجتمع وان الاولويه دايما للراجل
لما تمشي في الشارع باحترامها يبصولها
لما تتحجب يبصولها
ياراجل ده لما تتنقب برضو يبصولها
ده غير الالفاظ والايحاءات والاشارات والايماءات اللي لو انت مكانها مش حتقدر تتحمل ربع اللي هي بتشوفه
طيب جربت تحس بالقهر والظلم والامبالاه
طيب جربت تحس بالضعف وانك لازم تتظاهر بالقوه
طيب جربت تحس بعدم الامان لمجرد ان الشارع فاضي ولا في مجموعه شباب بينهشوا في كل حته في جسمك
طيب جربت تتظاهر بانك سادد ودنك عن كل الالفاظ والعبارات اللي بتجرحك لمجرد انك بنت وماشي في الشارع
طيب جربت تتضرب وتتهان وتتشد من شعرك لمجرد انك ضعيف
لو جربت كل اللي فوق ده حتحترمها وتقدرها وتحافظ عليها
لمجرد انها بنت حتي لو متعرفهاش