🤔🤔🤔🤔🤔من أنا؟🤔🤔🤔🤔🤔
"ممكن تجيب مجموعة كروت و كل واحد تكتب عليه معلومة عن البابا اثناسيوس مثلا (أو قديس الدرس). في الأول ماتقولش إسمه إيه, بس طلع الأولاد واحد واحد بترتيب إنت عارفه, و خلي كل واحد يقرأ الورقة اللي معاه، و يحاولوا يخمنوا هو مين. و في الأخر قولهم قصته... ممكن كمان انك تدي الكروت للأولاد, و خلي على كل كارت رقم, و طلع رقم رقم بالترتيب.
📺 📺 📺 📺 📺 ضيف البرنامج 📺 📺 📺 📺 📺
الفكرة انك تستضيف الشخصية و تسألها اسئلة و اجاباتها تكون القصة .. يعنى الشخصية بتحكى حكايتها ..و طبعا هيبقى احلى لو الخادم او الخادمة لابسين زى القديس و كدة
☺️☺️☺️☺️☺️صاحب الاسم☺️☺️☺️☺️☺️
هتسمى المخدومين بالاسماء الموجودة فى القصة وكل ماتذكر اسم من القصة صاحب الاسم من المخدومين يقف ويقعد وده هيخلى الولاد منتبهين علشان لما يجى الاسم يقف ويقعد
⚖️ ⚖️ ⚖️ ⚖️ ⚖️ مين بيقول الحق ؟ ⚖️ ⚖️ ⚖️ ⚖️ ⚖️ ⚖️
الفكرة ان نلبس 3 خدام لبس شخصية قديس معين وكل واحد يحكى القصة القديس بس واحد بس هوا اللى بيتكلم صح والباقى يغلط فى احداث القصة وعلى الاطفال ان يستنتجوا مين اللى بيقول الحق ؟؟
👰 👰 👰 👰 👰 عروستي 👰 👰 👰 👰 👰
لعبة عروستي (شبيهة بلعبة من أنا لكن أنسب للسن الأصغر)
لو كان القديس اسمه معروف للأطفال ممكن تحكي القصة بطريقة عروستي .. وهي انك ما تذكرش اسم القديس وتسميه باسم اي ولد في الفصل وتعرفهم ان ده مش اسمه الحقيقي وتبدأ تحكي للأولاد احداث من قصته وكل شوية تسأل الأولاد"عروستي" واللي يعرف الأسم ممكن تشجعه بأي هدية بسيطة
🖼️🖼️🖼️مين صاحب الصورة؟🖼️🖼️🖼️
قم بطبع سيرة القديس، ثم قصها الى أجزاء و رقمها حسب تسلسل القصة. يسحب كل من المخدومين أحد أجزاء القصة (أو أكثر من جزء، حسب العدد الموجود) . يقرأ كل شخص الجزء الخاص به في دوره، اختر أيضا أحد الأنشطة الملائمة لتقوم بها أثناء أو بعد رواية القصة:
١) رسم خريطة زمنية تحدد عليها الأجزاء الهامة في القصة مع تواريخها.
٢) تحديد مواضع مختلفة على خريطة.
٣) عمل قائمة بالصفات التي نتعلمها من هذا القديس أو الدروس المستفادة من حياته.
٤) عمل قائمة بالمضايقات او المعوقات التي واجهت القديس في حياته.
٥) عرض أنواع مختلفة من الأسئلة (أمثلة: كم كان عمره حينما ..؟ ماذا كنت ستفعل لو كنت في مكانه حينما..؟ ماذا يروي لنا التاريخ عن الظروف المحيطة في عصر ...؟)
👸👸👸👸👸 التاج لمين؟ 👸👸👸👸👸
ممكن تعمل تاج شكله حلو يشد الطفال و تسالهم تفتكروا التاج ده لمين...و بعد ما يفكروا شويه تقولهم ان التاج ده بتاع القديس...............و انه اخده بجهاده و حبه لربنا و ان كل واحد فينا له تاج حلو جداااااااااا زي ده مستنينا في السما لو حبنا ربنا قوي زي ما هو بيحبنا و يا ريت تركز في الدرس علي حلاوة السما و الحياة مع ربنا ............... كل طفل تعطيه تاج في اخر الدرس مكتوب عليه الايه......: "انظروا الي نهاية سيرتهم...."و تقولهم ان تاجهم في السما احلي من ده بكتير
بازل
قم بطباعة الصورة بحجم كبير. وقصها على شكل بازل.. يقوم الأطفال بتجميع الصورة كتمهيد لقصة الدرس
🌌 🌌 🌌 اصدقائنا في السماء 🌌 🌌 🌌
علشان الأطفال يتعرفوا على القديسين و يعملوا صداقه معاهم ممكن يتم توزيع صوره كبيره للسيد المسيح يحتفظ بها الولد فى البيت ويتم كل اسبوع توزيع صوره لقديس مختلف يقوم الطفل يقصها فى البيت ويلصقها على صورة السيد المسيح ويتم عمل مناقشة واسئلة بجوائز الأسبوع اللى بعده عن صاحب الصورة
مثل اسمه قبل الرهبنه- الدير اللى عاش فيه - معجزه من معجزاته - عيد نياحته امتى
☁️ ☁️ ☁️ سحابة من الشهود ☁️ ☁️ ☁️
نشاط يشترك فيه فصل مدارس الأحد.
+ يحصل كل طفل على صورة أحد القديسين/الشهداء للتلوين. قم بطبع الصور من للتلوين. (يكتب كل طفل إسمه على الصورة.)
+ قم بلصق الصور على أفرخ من الورق باللون اللبني، و زينها باشكال من السحب من الورق الأبيض.
+ قم بتعليق اللوحة (أو عديد من اللوحات، حسب الحاجة) في الفصل، و أضف إليها الاية:
" لذلك نحن أيضاً إذ لنا سحابة من الشهود مقدار هذه محيطة بنا لنطرح كل ثقل و الخطية المحيطة بنا بسهولة و لنحاضر بالصبر في الجهاد الموضوع أمامنا " (عب 12 : 1) .
كيف ندرس سير القديسين ؟
+ نعرفه أن القديس هو إنسان احب اله , و اخلص و قد تفوق روحيا في جانب معين مثل الطاعة – حب الاخرين – الخدمة – الصلاة – التوبة ........... الخ
+ عندما نحكى للطفل سيرة القديس نركز على :
1- انه انسان مثلنا ( طفل و شاب و رجل , و له عائلته و كنيسته و اصدقاؤه , و له ايضا معاناته و جهاده و نموه )
2- انه احب المسيح . كيف عبر عن هذا الحب ؟ و كيف اظهره من خلال اعماله المختلفة ؟
3- سلوكه كإنسان مسيحى احب المسيح
+ نلاحظ عند ذكر المعجزات عدم التركيز على الربط بين حدوث المعجزة و قداسة هذا القديس . بقدر ما يكون التركيز على قوة الله بواسطة القديس , و من اجل خدمة الاخرين و مساعدتهم
::: مناقشة كيف نفذ القديس الوصية ؟! :::
+ القديس نموذج لنا لنسلك كما سلك هو . كيف نسلك بفضائل القديس فى مواقف الحياة المختلفة ؟! . لو كنت مكان القديس كيف تسلك في المواقف التالية : ( إعط مواقف من الحياة للطفل , ليقرر كيف يسلك فيها مستفيدا من سيرة القديس ).
+ تدريب على طلب شفاعة القديس
+ التعبير عن حبنا للقديس بالاتى :
1- تمجيد القديس
2- الاحتفال بعيد القديس
3- ايقاد شمعة امام ايقونة القديس
4- كتابة خطاب الى القديس في عيده
5- عمل برواز لأيقونة القديس
6- تلوين صورة القديس
7- رسم الطفل لنفسه مع القديس