أحياناً لما الواحد يشوف صورة سمكة زي دي😯 بيعتقد إنها حاجة خيالية مش موجودة أو صورة في كرتون مش حقيقية .
لكن الغريب إنك تكتشف إن نوع السمك ده موجود في الوجود😯
بس متخافش عشان صعب جداً تشوفها على الحقيقة أو ساعتها هتكون ميتة .
🐡سمكة أبو الشص (Angler fish)
من أغرب أنواع الأسماك في العالم وهي سمكة بتعيش في قاع المحيطات والبحار 🌀عشان كده تفصيلات حياتها لا تزال فيها شوية غموض مش كتير بيقدر يوصل للعمق اللي بتعيش فيه واللي ضوء الشمس مش بيوصل له .
السمكة بتتميز برأس ضخم مسطح وفم عريض وعلى رأسها شبه طعم متوهج بيغري بيه فريسته واللي منها أستمد اسمه (أبو الشص ) لأنه يشبه الطعم اللي بيوضع في شص السنارة 🎣
السمكة دي لما تيجي تصطاد فريستها بتفضل ساكنة في مكانها باستثناء الطعم المتوهج في الضلمة اللي بتفضل تحركه
لما الفريسة🐟 بتشوف👀 حاجة صغيرة كده منوره في العتمة بتبدأ تقرب منها وهنا بتفتح فمها المجوف بسرعة فيتدفق مقدار كبير من الماء وتندفع معه الفريسة 🐟 إلى داخل الفم .
الشكل الموجود ده للأنثى أما ياعيني الذكر غلبان😅 وحجم جسمه صغير جداً ومش بيتمتع بالخصائص اللي الأنثى بتتمتع بيها .
