عجينة الملح
كتير من الأمهات بتحتار تشغل وقت أطفالها إزاي بعيداً عن الشاشات🎮 🤔
وإحنا جايبين ليكوا فكرة تشغلهم و مش مكلفة خالص💸.
النهاردة معانا طريقة صنع عجينة الملح عشان الأطفال يقدروا يشكلوها .
المكونات:
- كوب دقيق
- ١/٢ كوب ملح
- ١/٢ كوب ماء
- ألوان اكريلك
- معلقه زيت
1️⃣ هنخلط الملح مع الدقيق ونبدأ ننزله حبة حبة علي الإناء اللي حاطين فيه المياه والزيت مع التقليب المستمر.
لحد ما تبدأ العجينة تلزق .
2️⃣وهنا هنبدأ نعجن بأيدينا ونحط الدقيق لحد ما تلم العجينة وماتبقاش لازقة في الإناء
👈ممكن اضافة مزيد من الدقيق لو لسه العجينة ملمتش معاكي
3️⃣هيبدأ الأولاد في تشكيل العجينة على ذوقهم، ممكن يعملوا ميدالية على شكل حروف🅰️🅱️ .......
4️⃣هندخلها الفرن ونبص عليها كل ربع ساعه لحد ما تجمد.
5️⃣أول ما تجمد نخرجها تبرد.
ويبدأ الأولاد في التلوين .
لو أطفال كبار شوية ممكن نخليهم هما اللي يعملوا العجينة بنفسهم 😍.
