(لازم أروح أعزي فلان عشان هو عزاني لما عمي توفى)
(لأ، مش هزور زميلتي اللي في المستشفى عشان لما أنا تعبت مسألتش عليا ).
(هو صاحبك جابلك هدية في عيد ميلادك🎁 عشان تروح تجيبله أنت في عيد ميلاده!)
✋✋✋✋✋✋✋
ثانية بس كده وقفة مع النفس... هو أنا بروح اعزي حد عشان عزاني ولا بعزيه نيتي الأجر والثواب🤔 !
تعرف إنك تقدر تحول كل الحاجات اللي أنت بتعملها "عادي" بشكل روتيني في يومك لحاجة بتجيبلك جبال من راحه القلب وثمر كتير؟
كل حاجة كل حاجة ... الأكل الشرب النوم الرياضة الشغل 😴🏃♂️.
أنت كمان تقدر تستحضر أكتر من نية في نفس العمل وكل نية هتاخد عليها مقابل 😲.
يعني مثلاً:
✌أنا داخل أنام بنية إني أريح جسمي عشان أحافظ عليه لأنه نعمة من ربنا وربنا أمرني احافظ عليها.
✌وعشان اشحن طاقتي لتاني يوم عشان أعرف اشتغل وانتج أو أذاكر أو أساعد الناس😎.
✌أو عشان أريح جسمي عشان تاني يوم أقدر اربي الأولاد ومابقاش متعصبة عليهم لو جسمي مش مرتاح.
طيب هنستفيد إيه لما نغرس في ولادنا المفهوم ده ونعودهم على استحضار النية قبل أي عمل يعملوه غير إننا بنساعدهم ياخدوا ثواب🤔😎🤠؟
تخيلي ابنك هيقوم يساعدك في المواعين وهو جواه فكر من الاتنين:
1-عشان ماما ماتزعقش👩👦.
2-أو عشان بر الوالدين وأنا بحاول اخفف عن أمي وربنا يرضى عني؟
مين فيهم هيبقى عمل دايم ومعمول بإتقان أكتر ؟
طيب تخيلي ابنك داخل يذاكر عشان
١- بابا هيعاقبني لو لقاني بلعب🗣.
٢- عشان فايدة العلم و إنه عايز ينفع بعلمه الناس و .... و .... و .....
فهمتوا النية ممكن تفرق إزاي؟
جددوا نيتكم✏💟
مين فيكوا هيبتدي يركز في موضوع النية ده قبل ما يعمل أي حاجة 😍؟