التربية الجنسية بتبدأ من عمر يوم 😲
النهاردة هنتكلم ازاي اربي ابني على وعي و ادراك من الناحية الجنسية و ازاي يحمي نفسه و غيره
مبدأياً التربية الجنسية بتبدأ من عمر يوم 👀
أول شئ في حياة الطفل و مرحلة الرضاعة مرتبط جدا بالتربية الجنسية
من الأخطاء اللي بيقع فيها كتير من الأمهات هي إنهم يغيروا لأطفالهم الحفاض قدام الناس سواء جوة البيت أو برة البيت في النادي و المول على اعتبار إنه بيبي و مش مشكلة😔
و لكن للأسف الطفل البيبي ده بيكبر وهو متعود إن عادي يغير لبسه قدام الناس و يكبر شوية و يبقي عنده سنة ونص أو سنتين و تلاقيه بيجري في الشقة بدون ملابس
و يكبر شوية و يروح تمرين السباحة و بردو يغير لبسه قدام الناس على اعتبار إنه لسه صغير و يكبر و هو متصور إنه مباح عادي إن جسمه يكون مكشوف🙁
أحيانا تيته و جدو أو أي حد من الأهل يداعب البيبي من عضوه التناسلي و البيبي يضحك فيستمر التصرف ده و البيبي يكبر و هو متصور إن ده هزار عادي ( مش بنقول إنه دايماً بيحصل لكنه بيحصل مع بعض الأشخاص بالفعل )
و ده غير إن لما يكون فيه أخوات سواء بنات أو أولاد ممكن يستحموا سوا ما هما صغيرين لسه مش فاهمين حاجة 😢
تخيلوا كده إن التفاصيل الصغيرة دي بتكون شخصيته و بتأثر عليه لما يكبر..
يبقي الحل في إننا نحترم جسم الرضيع و دئماً
لو هيستحمى يبقى معاكي فوطة و لفيها عليه لحد ما يلبس... و يلبس في أوضة و الباب يتقفل .
ممنوع أبداً حد يلعب معاه بهزار بلمس جسمه أو أعضائه 🤚
لو فيه مول مفيش داعي يغير قدام الناس.. خدي معاكي فوطة زيادة و يلبس من تحت الفوطة
في التمرين و السباحة يلبس من تحت البورنس أو الفوطة
ربنا يحفظ أولادنا جميعاً🙏