من أكتر المشاكل اللي الأمهات بتشتكي منها الفترة دي ان ولادهم مابيرضوش ياكلو خالص خصوصا الأكل الصحي نعمل إيه بقى معاهم؟
الطرق دي متجربه 👇
👈اولا لازم نستبعد كل الحاجات اللي بتسبب سد الشهية اللي اهمها الحلويات🍭🍬 ... وماتقوليش احسن من مافيش... جربي بس اسبوع واحد هتتعبي فيه بس هتشوفي الفرق.
👈من ٣ سنين ده السن اللي بيبدأ فيه الأطفال يميز الحروف والأشكال والألوان المختلفه🔴🟩🔺️
نقدر نستغل شغفه بتعلم المهارات الجديدة دي ونضحك عليه ونخليه ياكل اللي احنا عايزينه😂
نقطع الخضار مثلا الخيار 🥒والجزر 🥕بالطول نطلب منه يحاول يكتب اول حرف من اسمه ولنقل A
بعدين نقوله هناكل حرف ال A بضحك وهزار عشان نعمل حرف او شكل تاني.
لوفي طبق رز عليه خضار نخليه يرسم مثلث، او دايره بالرز بعدين ياكله بسرعه عشان تحطيله حبه تانيين يرسم شكل تاني🍛
((الطريقة محتاجه صبر بس انتِ قدها💪ا))
👈حدوتة قبل النوم... متستهونيش بيها عشان من خلالها تقدري تبثي كل الأفكار اللي نفسك فيها بطريقة غير مباشرة
يعني لو بتحكي عن بطل معين خارق بالنسباله زودي حبكه من عندك 😂انه كان بياكل كذا ودي كانت من أسباب انه قوي وعارف يعمل البطولات الخارقة دي 😇
مره في مره حتلاقي الفكرة إترسخت جواه وفي وسط الحدوته إسأليه تحب بكره أعملك "كذا" زيه؟