تجربة ازاي اعمل قوس قزح فالبيت🌈
طبعاً كلنا شوفنا قبل كده ألوان قوس قزح الجميلة🌈 اللي فعلاً مبهرة وبتشد العين🥰.
كل اللي هنحتاجه :
*مرآه مستوية
*كشاف
*طبق صغير نملاه مياه
💧أول حاجة هنحط المرآة في الطبق الصغير بحيث تميل على سطح المياه بزاوية ٣٠٥ درجة.
💧نطفي نور الغرفة بعدها نسلط على المرآة الكشاف ونبص على الحيطة أو السقف اللي قدامنا
هنتفاجئ إننا شايفين ألوان الطيف اللي هي ألوان قوس قزح الجميلة 🌈.
طب يا ترى إيه التفسير العلمي للي حصل ده!؟
ببساطة في معلومة كده بتقول إن الضوء الأبيض بيتكون من ألوان كتير مختلفة مش بنشوف منها بوضوح إلا السبع ألوان دول:
أحمر برتقالي أصفر أخضر أزرق نيلي بنفسجي
ودول اللي بيكونوا قوس قزح الشهير
لما الضوء بيعدي خلال المياه بيحصل انكسار ليه فبيظهر لينا الالوان دي🌈