خناق الذباب او مصيدة فينوس
(Venus flytrap)
✨دايما بنشوف الحشرات هي اللي بتتغذي علي النباتات لكن اننا نشوف العكس دي بتبقي ظاهرة غريبة بالنسبة لينا 🤔
🌱(خناق الذباب) أو ما يسمي (بمصيدة فينوس ) هو نوع من أنواع النباتات اللي بتتغذى علي الحشرات 🕷🐞🐝وأحيانا كمان بتتغذى على حيوانات صغيرة زي الضفادع صغيرة الحجم🐸.
🌱 زي ما شايفين في الصورة هي عباره عن ورقتين شكلها بتشبه المصيدة الحقيقية أو زي أسنان طويلة.
- الورقتين بيبقى لونهم أخضر ومن جواها شعيرات صفراء اللون وبعضها لونها أحمر علي شكل إبر وأشواك .
- بتقدر بألوانها الزاهية الجميلة دي انها تجذب الفريسة
- أول ما الحشرة تلمسها 🦟الورقتين بيقفلوا عليها زي المصيدة.
🌱 الشعيرات اللي جواها دي بتمكنها انها تتعرف علي نوع الفريسة إن كانت تستحق انها تأكلها ولا هي مجرد شوائب ملهاش لازمة🤓.
- لبتقوم ساعتها بإفراز عصارات هاضمة لهضم الحشرة وإمتصاصها🕷.
- بعض الفصائل بتقدر تفرز مواد سامة لقتل الحشرة أو تخديرها.
🤗طب لو الانسان لمسها هل ممكن تئذيه ؟
- حتي لو قفلت علي صباعه ☝️مش هتئذيه بل بالعكس هو اللي ممكن يئذيها.
🤗طب هل الانسان ممكن يحطلها حشرات ميتة🐜 فتأكلها ؟؟
- لا، لازم الحشرة تبقى صاحيه عشان تتحرك داخل الشعيرات فتبعت إشارات فتقدر تهضمها.
