نعمل ايه لما الاخوات يتخانقوا ؟
الأم 👩 :إيه ده بتضربوا بعض ده أنتوا أخوات مش خايفيين تأذوا بعض؟
حاتم 🙋♂️ : على فكرة يا ماما هو اللي بدأ يغلس عليا الأول.
حسن 🙇♂️ : لا أنت اللي بدأت وكنت هتعورنى و شديت مني اللعبة.
💦 مافيش بيت 🏫بيخلو من الشد والجذب بين الأخوات 👬👭
بس يا ترى دورنا كأب وأم ممكن يتحكم في إن الخلافات دي تبوظ علاقتهم ببعض أو تبقى خناقة أطفال عابرة؟
بصوا يا جماعة إحنا بنشوف كتير علاقات مشوهة بين بعض الأخوات لما بيكبروا ...وللأسف أحياناً بتبقى العلاقة المشوهة دي أحد أسبابها طريقة تربية الأم والأب
عايزين بس كأم وأب نركز على بعض النقط
🌠 زي إيه؟
💚مانفرقش في المعاملة بينهم حتى لو في حد بنميل إليه أكتر من جوانا حتى في الحضن والبوسة والطبطبة .
💙نحاول إننا نزرع بينهم المحبة والإيثار من الصغر .
💜أنتوا نفسكوا متتكلموش على أخواتكم بطريقة غير لائقة خليكوا قدوة .
💝 نعلمهم إزاي يشاركوا بعض في الحاجات المشتركة بينهم بدل ما يتخانقوا عليها.
❤نشجعهم يعملوا مفاجآت لبعض وهدايا حتى لو رمزية.
الأخ سند وحصن ورفيق لأخوه كونوا أنتوا اللي بتزرعوا فيهم اللي يطلع منهم أحلى صداقة💞