كام مرة خبط قدامك الفترة اللي فاتت صور وفيديوهات تعذيب لحيوانات🐕🐱🐘 وأحياناً كمان اللي بيعذبهم بيكونو أطفال؟
كان دايماً في سؤال مُلح... هو أهل الناس اللي بتعذب الحيوانات دي معلموهمش أي حاجة وهم صغيرين عن الرفق بالحيوان🤔!!
من باب وذكر فإن الذكرى تنفع المؤمنين... حبينا نفكركوا إن أسهل طريقة تزرع بيها فكرة لطفل إنه يشوفك بتعملها فيقلدك...
👈خلي ليكوا عادة أسبوعية تعملوها تكون بتزرع في قلبهم الحنية ولين القلب تجاه الحيوانات❤.
**ممكن تحطوا قطع عيش صغيرة على سور البلكونة عشان الطيور تاكل منها🕊...
**ممكن تخليهم يحطوا بواقي أكلهم اللحوم والفراخ والعضم في طبق بلاستيك وتحطوه للقطط والكلاب جنب السلة في الشارع🐈٠
**احكولهم قصص وكلموهم عن إنهم كائنات بتحس زينا وإن المفروض ما يؤذيهمش.
👈وأنتوا بتعلموا ولادكوا العيب والحرام ماتنسوش تفهموهم إن فيه كائنات حية تانية عايشة معانا ليها حقوق علينا ☺.
