يعني ايه الله كلمني والله قالي ؟
أزاى اتيقن من صوت الله
لما يكلمنى ؟
تعبير الله يكلمنى او ربنا قالى اصلا مرفوض من فئه عريضه من المسيحين ..وبلا اى سبب او منطق ...
فاللى بيقول الجمله دى بيتبصله على انه بيهذى او مجنون او متكبر او مخدوع او بلا مرشد وسيسقط كأوراق الشجر
احب قبل مااناقش موضوع البوست ..
انى اقدم رد شافى كافى للفئه العريضه دى
ادم الله كلمه ..قايين القاتل الله كلمه ..نوح الله كلمه ..الاباء _ابراهيم واسحق ويعقوب _ الله كلمهم ..الله كلم انبياء وكلم كمان خطاه زى ابيمالك تك٢٠ وكلم هاجر المصريه ..وكلم امم زى كرنيليوس ..
ان كنت انت بتعبد أله اخرص ..فاانا بعبد أله حقيقى بيتكلم ..ممكن احتار فى يقينيه صوته بس ليا طرقى اللى بيها بتيقن منه ..بس صدقنى هتخسر كتير لو مسمعتش صوته وانت حى بالجسد ..واخاف كمان عليك لتتعود على كده فمتسمعهوش بعد الخروج من الجسد ...
-------
ندخل بقى فى موضوعنا مع الفئه القليله اللى بتسمع صوت الله وعايشه الانجيل وماشيه الطريق ..
اليقين
هنا انا محتاج ٢ يقين ..
واحد انه الله المتكلم مش حد تانى
وواحد انه هااقدر انفذ مااعلنه الصوت
---------
هناخد مثلا بسيط وواضح فى متى ١٤
موقف مشى بطرس على الميه
فى البدايه ...الله هو خيال بالنسبالى
معقوله بيقولى اترك اهلك وعشيرتك واذبح ابنك وابنى فلك .._هو فى شئ اسمه ميه تنزل من السما علشان ابنلها فلك_ لا ده انا بيتهيألى ..ده خيال ..
(نام نام بسفينتك وسط الريح واحلم مفيش حد بيكلمك ده تخيلات واشباح)
فَلَمَّا أَبْصَرَهُ التَّلاَمِيذُ مَاشِيًا عَلَى الْبَحْرِ اضْطَرَبُوا قَائِلِينَ:«إِنَّهُ خَيَالٌ».
طيب انا فعلا سمعت صوت و مش مره ..ده ربنا متعود ينادى مرتين _لان سمعى تقيل _ زى ما نادى شاول شاول وصمويل صمويل ومرثى مرثى
------
علشان اتاكد انه صوته ..
لازم يعطى القدره والامر (وده مفتاح اليقينيه)
------
«يَا سَيِّدُ، إِنْ كُنْتَ أَنْتَ هُوَ، فَمُرْني أَنْ آتِيَ إِلَيْكَ عَلَى الْمَاءِ».
لو فعلا انت يارب _الصوت اللى كلمنى _ اعطينى القدره أأتى اليك ..مش بس القدره ..اعطينى يارب الامر ...أأمرنى كمان ..ميكنش كلامك بصيغه طلب بل بصيغه امر ..
لما بسمع الصوت _باانى انفذ تدبير معين_ اطلب منه يعطينى القدره ويُمكنى انفذ واسمع صوته بيأمرنى
لو كل ده محصلش ..مش هااعرف اتيقن من انه هو وهاافضل فى ظن انه خيال ..مش هااعرف اتمكن من فعل شئ لانه مااخدتش قدره ..مش هااعرف كمان اثبت لو نفذت لانى مااخدتش أمر بل فقط كان صوت من خيال هااظل متشكك فهااقع بسهوله لان مفيش يقين وامر وقدره .
المشى على الميه _العالم وشهواته _ مش باامر سهل . لا ..ده محتاج ثقه بقدره الخالق
والمشى على الارض وسط ميه مشقوقه نصين .. هو أمر محتاج ثقه فى يد القدير ان البحر مش هينقفل عليا يغرقنى ..
حلو قوى لحد هنا ..
اخدت يقين انه مش خيال ..اخدت امر منه ..اخدت قدره كمان امشى
علشان اثبت ..عليا دور
هو تنفيذ لآيه( التفتوا اليا فتخلصوا )
لو التفت للريح _اى امر عالمى معطل_ فبفقد قدرتى وثباتى وسبى العريس وخمره فطبيعى هااغرق ومش هااقدر اكمل ..
وبالتالى برضوا هافقد الثبات واغرق لو ركزت على نفسى وبصيت للى بعمله وكأنى انا اللى بعمله
التركيز فى الله
ده امر بيشبه عمليه التنويم المغناطيسى ..ثَبت عينك عليه ومتحولهاش _حتى لو قالك عينك غلبتنى_ فهتاخد سبى وقدره وانجذاب هيخليك تنفذ اوامره وكأنك بلا رأس او عين ..
اعطيله فرصه يدخل السفينه _يسكُنك_ يملاك ويغيرك وهيمكنك وهيثبتك وهيسكتلك الريح
وَلَمَّا دَخَلاَ السَّفِينَةَ سَكَنَتِ الرِّيحُ.