علقه طبيه
لِلْعَلُوقَةِ بِنْتَانِ: «هَاتِ، هَاتِ!». ثَلاَثَةٌ لاَ تَشْبَعُ، أَرْبَعَةٌ لاَ تَقُولُ: «كَفَا»:" (أم 30: 15)
هنفسر انهارده الايه دي
وايه العلوقة دي
العلوقه دي حيوان اسمه "علقة طبية" وله اسم تاني هو " الهيرودينا " حيوان غريب جدا وصغير جدا زي اللي في الصوره دا ولكن عنده تكتيك غريب في الهجوم علي الإنسان
اول لما بيلاقي انسان نزل الماية بيجري عليه ويقوم مثبت الجزء الأمامي ( اللي هيمص بيه دمه) علي جسم الانسان وبيقوم بالجزء الخلفي عمل جرح ثلاثي في جسم الانسان علشان يبتدي ينزف
وهو بيمص دمه في الوقت دا الشخص مش بيحس بقي لانه الحيوان دا بيفرز مادتين واحده بتوسع الجرح علشان يعرف يمص دم اكتر لانه مش بيشبع ومش بيقول كفايه والماده التانيه عباره عن مخدر ( بنج) علشان الشخص ميحسش ودا بيفرزه لحد ما يشبع وبعدين يسبه ويمشي وساعتها يحس بالجرح والوجع
المشكله ان حياتنا مليانه بالحيوان دا او الناس اللي بتتعامل بنفس اسلوب الحيوان دا ( في الشغل او الكليه او الاصدقاء) - ياما حواليك وانت مش حاسس ناس كتير وعمالين يمصوا في دمك وبيستنفذوك سواء مادياً او عاطفياً او نفسياً او جسمانياً
الخلاصه
صفي العلاقات اللي ف حياتك وحطها بين ايدين ربنا واطلب منه انه ينقيها ويديلك منها اللي ينفعك ويكبرك روحياً
لأن "مَنْ يتقي الرب يحصل على صداقة صالحة؛ لأن صديقه يكون نظيره" (سفر يشوع بن سيراخ 6: 17)